Wednesday , November 21 2018
Breaking News

आरडे प्रकरणी धर्मादाय आयुक्तांशी बोलणे झालेच नाही

रेखा दुबे यांनी दिली माहिती
चिंचवड : दशरथ आरडे प्रकरणी धर्मादाय आयुक्तांशी बोलणं झालंच नाही. त्यामुळे धर्मादाय आयुक्तांनी सांगून देखील दशरथ आरडे यांना बिलामध्ये सूट दिली नाही, ही केवळ अफवा असून संजय आरडे यांनी चुकीच्या पद्धतीने फिर्याद दिली आहे, अशी माहिती चिंचवड येथील आदित्य बिर्ला मेमोरियल हॉस्पिटलच्या मुख्य कार्यकारी अधिकारी रेखा दुबे यांनी दिली. आदित्य बिर्ला रुग्णालयात घेण्यात आलेल्या पत्रकार परिषदेत दुबे बोलत होत्या. त्याप्रसंगी पत्रकारांना माहिती देताना रेखा दुबे बोलत होत्या.
नातेवाईकांशी संपर्क नाही
रेखा दुबे म्हणाल्या की, दशरथ आरडे यांना 8 ऑगस्ट रोजी रात्री अकरा वाजता रुग्णालयात दाखल करण्यात आले. प्राथमिक तपासणीनंतर त्यांना अतिदक्षता विभागात ठेवण्याची गरज होती. त्यानुसार त्यांना अतिदक्षता विभागात ठेवण्यात आले. त्यानंतर त्यांना अतिदक्षता विभागात ठेवण्याऐवजी सेमी आयसीयूमध्ये ठेवले तरी चालण्यासारखे असल्याने त्यांना सेमी आयसीयूमध्ये दाखल करण्यात आले. त्यानंतर त्यांना जनरल वॉर्डमध्ये दाखल करण्यात आले. दरम्यान तज्ज्ञांच्या सल्ल्यानुसार त्यांच्या आवश्यक तपासण्या करण्यात आल्या.ही संपूर्ण प्रक्रिया करत असताना रुग्णालय प्रशासनाने वेळोवेळी दशरथ यांच्या नातेवाईकांशी संपर्क करण्याचा प्रयत्न केला, मात्र तो होऊ शकला नाही. दोन ते तीन दिवसानंतर त्यांच्या घरच्यांशी संपर्क झाला.
पोलीस तक्रार दाखल
त्यानंतर दशरथ यांच्या मुलाने एका सामाजिक कार्यकर्त्याला घेऊन आले. रुग्णालय परिसरातून दशरथ यांना घेऊन गेले. दशरथ हे दारिद्रयरेषेखालील नागरीक नाहीत. त्यामुळे त्यांचे उपचार बीपीएल अंतर्गत होऊ शकत नाही. तरीही त्यांनी त्याअंतर्गत उपचार करण्याची मागणी केली. तसेच दशरथ आरडे या रुग्णाला बीलासाठी डांबून ठेवल्याचा आरोप त्यांच्या नातेवाईकांनी केला होता. यावरून पोलीस तक्रारही दाखल झाली होती. सामाजिक संघटनांनी बिर्ला रुग्णालय प्रशासनाविरोधात आंदोलन केले होते. याप्रकरणी डॉ. रेखा दुबे यांनी रुग्णालय प्रशासनाची बाजू मांडली.

About Mahadev Gore

हे देखील वाचा

राजे रघुनाथराव देशमुख वाचनालयात स्व.इंदिरा गांधी व संत नामदेव महाराज जयंतीनिमित्त विविध कार्यक्रम

रावेर- कार्तिक एकादशी म्हणजे प्रबोधिनी एकादशीला संत नामदेवांची जयंती व भारताच्या पूर्व पंतप्रधान स्व. इंदिराजी …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

error: Content is protected !!