Thursday , January 17 2019
Breaking News

बेस्ट कर्मचाऱ्यांचा संप सुरूच राहणार; बैठकीत अद्याप निर्णय नाही!

मुंबई : बेस्ट कर्मचाऱ्यांचा गेल्या चार दिवसांपासून सुरू असलेल्या संपावर आज सकाळी झालेल्या बैठकीतही तोडगा निघालेला नाही. त्यामुळं हा संप सुरूच राहणार आहे. संप सुरू ठेवून प्रशासनाशी वाटाघाटी करत राहू, अशी माहिती बेस्ट कामगार कृती समितीचे नेते शशांक राव यांनी दिली आहे.

सुधारीत वेतनश्रेणी, दिवाळी बोनस आणि बेस्टचे महापालिकेत विलीनीकरण या मागण्यांसाठी बेस्ट कर्मचाऱ्यांनी पुकारलेला संप आज पाचव्या दिवशी सुरू आहे. सुरुवातीला संपाकडं दुर्लक्ष करणाऱ्या प्रशासनानं कालपासून गांभीर्यानं कर्मचारी संघटनांशी चर्चा सुरू केली आहे. महापौरांच्या उपस्थितीत काल झालेली चर्चाही निष्फळ ठरली. तसंच, मुंबई उच्च न्यायालयानं या प्रश्नी लवकरात लवकर तोडगा काढण्याचे आदेश दिल्यानंतर सरकारनं उच्च स्तरीय समितीची स्थापना केली होती.

या उच्चस्तरीय समितीची आज सकाळी कामगार संघटनांच्या प्रतिनिधींशी चर्चा झाली. मात्र, यातून काहीच ठोस तोडगा निघू शकला नाही. त्यामुळं संप सुरूच ठेवण्याचा निर्णय बेस्ट कामगार कृती समितीनं घेतला आहे. शशांक राव यांनी ही माहिती दिली.

About Mahadev Gore

हे देखील वाचा

अमित शहा यांच्या प्रकृतीत सुधारणा; एक-दोन दिवसात मिळणार डिस्चार्ज-भाजप

नवी दिल्ली-भाजपाचे राष्ट्रीय अध्यक्ष अमित शाह यांना स्वाइन फ्लू झाला आहे. त्यांना दिल्लीच्या एम्स रुग्णालयात …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

error: Content is protected !!