रावेर- तालुक्यातील मोरव्हालच्या जंगलात बिबट्याने घोडीचा फडश्या पाडल्याची घटना 27 रोजी घडली. याबाबतची माहिती मिळताच वनक्षेत्रपाल आर.जी.राणे यांच्यासह कर्मचार्यांनी घटनास्थळी धाव घेतली. मोरव्हालचे रहिवासी सुलेमान मेहबूब तडवी यांची घोडी गावाजवळील नाल्यात चरत होती. संध्याकाळ होऊनही ती घरी न आल्याने तिचा शोध घेतला असता 27 रोजी सायंकाळी सात वाजेच्या दरम्यान गावाजवळच्या सुलाबर्डी नाल्यात सिमेंटच्या नाल्याजवळ घोडी मृतावस्थेत आढळली. वनविभागाला माहिती दिल्यानंतर अधिकारी व कर्मचार्यांनी पाही केली असता घोडीच्या मानेजवळ वन्यप्राण्याने पकडल्याचे निशाण दिसून आले. 28 रोजी जागेची तपासणी केला असता वन्य प्राण्याचे ठसे आढळले तर हल्ला करणारा प्राणी बिबट्या असल्याचे वनविभागाकडून सांगण्यात आले. सहस्त्रलिंग वनपाल संजय भदाणे, मोरवाल वनरक्षक गणेश चौधरी आदी पंचनाम्याप्रसंगी उपस्थित होते.
Thursday, February 25, 2021
