कल्याण: महिलांना उंच टाक असलेले सँडल्स वापरायला अधिक आवडतात मात्र अशा प्रकारचे सँडल्स जीवघेणे ठरू शकते याचा प्रत्यय कल्याण येथे आला. कल्याण येथील एका विवाह समारंभात एका महिलेच्या हाय हिल्स वापरण्यामुळे एका चिमूरड्याचा बळी गेला. कल्याणच्या मातोश्री मंगल कार्यालयाच्या दुस-या मजल्यावर हाय हिल्सच्या सँडलमुळे महिला पाय घसरून पडली. या दुर्घटनेत महिलेजवळ असलेल्या 6 महिन्यांच्या चिमुरड्याचा घटनास्थळी मृत्यू झाला.
फैमिदा हमीद शेख असं या महिलेचं नाव आहे. रविवारी फैमिदा आपल्या कुटुंबीयांसोबत विवाहासाठी कल्याणला आल्या होत्या. यावेळी मंगल कार्यालयातील जीन्यावरून उतरताना हाय हिल्सच्या सँडलमुळे त्यांचा पाय घसरला आणि सहा महिन्यांचं बाळ थेट दुस-या मजल्यावरून खाली पडलं आणि त्याचा जागीच मृत्यू झाला. महिलांसाठी हाय हिल्स असणा-या सँडल किंवा बुट वापरणं कितीही फॅशनेबल वाटत असलं तरीही त्याचा काळजीपुर्वक वापर करणं हे ही तितकच महत्वाचं आहे.
