नवी दिल्ली: जम्मू काश्मीर मध्ये केंद्राने ऐतिहासिक निर्णय घेत कलम ३७० रद्द केले होते. तसेच जम्मू काश्मीर चे दोन भाग करत लडाख केंद्रशासित राज्य करण्यात आले आहे. कलम ३७० रद्द करण्याआगोदर केंद्राने जम्मू काश्मीर राज्यात निर्बंध घातले होते. कलम ३७० हटवल्यानंतर हे निर्बंध अधिक कठोर करण्यात आले होते. परंतु आता ते शिथिल केले जाण्याची शक्यता आहे. तसेच आठवडाभरात राज्याची परिस्थिती सामान्य होईल असे जम्मू काश्मीरचे राज्यपाल सत्यपाल मलिक यांनी दिले असल्याचे वृत्त एका इंग्रजी वृत्तपत्राने दिले आहे.
तसेच, १५ ऑगस्ट नंतर जम्मू काश्मीर राज्यातील निर्बंध शिथिल करण्यात येतील. राज्यातील इंटरनेटच्या मार्फत युवकांची दिशाभूल करण्याचे तसेच त्यांना भडकवण्याचे काम करण्यात येत आहेत. त्यामुळेच राज्यातील परिस्थिती सामान्य होत नाही तोपर्यंत यावरील निर्बंध कायम राहतील असे सांगितले आहे. आठवडाभरात किंवा दहा दिवसांमध्ये राज्यातील परिस्थिती सामान्य होईल. त्यानंतर निर्बंधदेखील हळूहळू उठवण्यात येणार असल्याचे त्यांनी सांगितले आहे.
केंद्राने जम्मू काश्मीरमध्ये जवानांचा मोठा बंदोबस्त केला आहे. या मुद्द्यावरुन काँग्रेसने भाजपावर टीकेचे लक्ष्य केलेले असताना जम्मू काश्मीरचे राज्यपाल सत्यपाल मलिक यांनी राहुल गांधींना टोला लगावला होता. विमान पाठवतो, स्वत: येऊन काश्मीर मधील परिस्थिती पाहा असं आवाहन केले होते. त्यावर राहुल गांधी यांनीही सत्यपाल मलिक यांना विरोधी पक्षाचे नेते आणि मी जम्मू काश्मीर, लडाखला भेट देतो. तुमच्या निमंत्रणासाठी मी कृतज्ञ आहे असे त्यांनी म्हटले. तसेच आम्हाला विमानाची गरज भासणार नाही परंतु कृपया आम्हाला प्रवास करण्याचे आणि तेथील लोक, मुख्य प्रवाहातील नेते आणि आमच्या सैनिकांना भेटण्याचे स्वातंत्र्य मिळेल याची खात्री करा असे प्रत्युत्तर राहुल गांधी यांनी सत्यपाल मलिक यांना दिले आहे.
