उदयनराजेंनी पवारांना दगा दिला; श्रीनिवास पाटील

0

सातारा : सातारा लोकसभा निवडणुकीत भाजपाचे उदयन राजे भोसले यांना श्रीनिवास पाटील यांच्याकडून पराभवाचा सामना करावा लागला. विजयी झालेले राष्ट्रवादी कॉंग्रेसचे श्रीनिवास पाटील यांनी उदयनराजेंनी पवारांना दगा दिला, हे सातारमधील सर्वसामान्यांच्या जिव्हारी लागले आणि त्यांनी केलेल्या भरघोस मतदानामुळे आपला विजय झाला,’ अशी प्रतिक्रीया व्यक्त केली आहे.

श्रीनिवास पाटील एका वृत्तवाहिनीशी बोलताना म्हणाले, ‘उदयनराजेंना पवारांनी पहिल्या निवडणुकीत उमेदवारी दिली, दुसऱ्या वेळीही दिली. तिसऱ्या वेळीही त्यांनी उदयनराजेंवर पक्षाच्या प्रचाराची जबाबदारी दिली होती. पण त्यांनी पवारांना दगा दिला आणि यामुळे दुखावलेला मतदार कामाला लागला. तरुण, महिलांपासून ज्येष्ठांपर्यंत सर्वांनी भरघोस मतदान केले. हा विजय आपण जनतेला आणि पवार साहेबांना अर्पण करतो.

पवार साहेब उद्या सकाळी साताऱ्यात आम्हाला भेटायला आणि मतदारांचे अभिनंदन करायला येणार आहेत,’ असे त्यांनी सांगितले.’एक्झिट पोलमध्ये काँग्रेस-राष्ट्रवादीला जितक्या जागा मिळतील अशी भाकितं वर्तवण्यात आली होती, त्यापेक्षा दुपटीनं जागा मिळत आहेत. शरद पवार आणि आघाडीच्या नेत्यांनी काम जोमाने काम केलं. पण महिना दोन महिने आधीपासून हे काम केलं असतं तर आम्ही सत्तेत बसलो असतो,’ अशी खंतही पाटील यांनी व्यक्त केली.